Incéndios

Arestora, un denso fume negro cobre por completo a ría de Vigo. O incéndio que os cabróns de sempre provocaron no monte en Cangas (ainda non sei exactamente onde) está a crear unha nube que impide ver o sol, ademáis dunha choiva de cinzas por toda a cidade.

Claro que estes e algúns outros son só pequenos inconvintes para os incendiários, que coidan que o lume ha traer progreso, estradas, turismo, casas, campos de labranza e boa herba para o pasto do gando. O curioso é que isto mesmo é o que pensa a grande maioría da xente de por aquí. E se non, aí tedes algunhas das millores frases que teño escoitado ultimanente:

"Sempre houbo incéndios e sempre os haberá".
"O monte ten que arder para se limpar"
"Algo bó ten que traer porque se non os veciños non-o permitirían"
"É natural que arda"
"As árbores non traen o progreso, as estradas si"

Ás veces dá-me noxo ser galego.

Actualización: hoxe, ao día seguinte, hai dous novos incéndios á outra beira da ría, e a choiva de cinzas continúa a caer sobre Vigo. Non sei por que me molestei varrendo hoxe a casa: mira que non ten en conta a vontade soberana dos veciños do Morrazo!!

Re-actualización: hoxe, dous días despóis, segue a chover cinza sobre Vigo e dentro da miña casa. O sol está tapado e o calor é abafante. E por simples curiosidade, se procurades polas verbas "incendio" e "beneficiado" no Google, aparecerán centos de sítios, o 99% deles referidos a países terceiromundistas, Galiza incluida. Noraboa aos premiados.